Umhverfisvænni og verðmætari framleiðsla

Ný framleiðslulína í álveri Norðuráls mun auka verðmæti framleiðslunnar án þess að meira verði framleitt af áli. Verið er að færa virðisaukandi framleiðslu, sem hingað til hefur farið fram erlendis, til Íslands. Með því að nota íslenska orku verður kolefnisspor framleiðslunnar mun minna en ef hún færi fram erlendis.

Framkvæmdin

Framkvæmdir við byggingu, sem hýsa mun nýju framleiðslulínuna, eru i fullum gangi og er gert ráð fyrir að línan verði gangsett í byrjun árs 2024. Um er að ræða fjárfestingu upp á um 16 milljarða króna og munu um 80-90 störf skapast á framkvæmdatíma að ótöldum afleiddum störfum. Um fjörutíu ný varanleg störf hjá Norðuráli verða til þegar framleiðsla hefst.

Tímalína framkvæmda

Framkvæmdir á athafnasvæði eru þegar hafnar, en jarðvinna hefst af alvöru í upphafi næsta árs. Gert er ráð fyrir því að ferlið gangi hratt fyrir sig og að uppsetningu búnaðar verði lokið um mitt ár 2023 og að rekstur hefjist að loknum prófunum í upphafi árs 2024.

  • Q4 ’21 Undirbúningur athafnasvæðis
  • Q1 ’22 Jarðvinna og undirbúningur fyrir byggingu nýs steypuskála
  • Q2 ’22 Gjallhús tekið í rekstur
  • Q3 ’22 Uppsetning háspennubúnaðar
  • Q1 ’23 Nýr steypuskáli risinn
  • Q3 ’23 Uppsetning búnaðar
  • Q4 ’23 Prófanir búnaðar og framleiðsluferla
  • Q1 ’24 Rekstur hefst

Álstangir

Í nýrri framleiðslulínu verða framleiddar álstangir (e.billets). Stangirnar eru sívalningar úr áli sem mótaðir eru með þrýstimótun. Álstangir eru eftirsóttar af evrópskum viðskiptavinum, en ál er lykilefni við framleiðslu t.d. rafbíla, sólarrafhlaða, flugvéla og umhverfisvænna bygginga. Með framleiðslu álstanga er Norðurál því að færa sig nær viðskiptavinum sínum og jafnframt færa verðmætaaukninguna til Íslands.

Minna kolefnisspor

Norðurál notar íslenska raforku við alla framleiðslu, en hingað til hafa álhleifar Norðuráls verið bræddir í stangir í Evrópu, þar sem raforkaframleiðsla hefur stærra kolefnisspor. Engin aukalosun verður við framleiðslu álstanga hjá Norðuráli og orkuþörf verður mun minni en ef þær væru steyptar erlendis. Áætlaður orkusparnaður eru um 40%. Vegna þess hve mikil jákvæð umhverfisáhrif eru af verkefninu hefur það fengið græna fjármögnun hjá Arion banka.

Í stuttu máli

Þegar framleiðslan hefst verður langstærstur hluti þess áls sem Norðurál framleiðir virðisaukandi vara, álstangir og álblöndur.

Í stuttu máli:
• Kostnaður: 16 milljarðar króna
• Störf við framkvæmdir: 80-90 í tvö ár
• Fjöldi nýrra starfa eftir framkvæmdir: 40
• Aukning útflutningstekna: 3-4 milljarðar króna á ári
• Aukin raforkunotkun: 10 MW
• Bætt orkunýting: 40%

Vefsíðan notar vafrakökur

Við notum kökur til að tryggja almenna virkni, mæla umferð, styðja við markaðsstarfsemi og tryggja sem besta notendaupplifun á nordural.is

Frekari upplýsingar má lesa í vefkökustefnu okkar.

Leyfa vafrakökur Stillingar

Stillingar fyrir vafrakökur

Við notum kökur til að sérsníða efni og auglýsingar, til að veita eiginleika samfélagsmiðla og til að greina umferð okkar. Við deilum einnig upplýsingum um notkun þína á vefnum okkar með samfélagsmiðlum, auglýsingum og greiningaraðilum okkar sem kunna að sameina það með öðrum upplýsingum sem þú hefur veitt þeim eða sem þeir hafa safnað af notkun þinni á þjónustu þeirra.

Frekari upplýsingar má lesa í vefkökustefnu okkar.

Nauðsynlegar vafrakökur

Sumar vafrakökur eru nauðsynlegar fyrir grunnvirkni vefsíðunnar. Vefsíðan getur ekki virkað án þeirra.

Tölfræði

Vafrakökur um tölfræði hjálpa eigendum vefsíðunnar til að skilja hvernig gestir hafa samskipti við og upplifa síðuna með því að safna og tilkynna upplýsingar nafnlaust.

Markaðssetningarkökur

Markaðssetningarkökur eru notaðar til að rekja ferðir gesta á vefsíðum. Ætlunin er að birta auglýsingar sem eru viðeigandi og áhugaverðar fyrir notanda og þar með verðmætari fyrir útgefendur og auglýsendur.