Árs- og sjálfbærniskýrsla 2025
Norðurál gefur nú í annað sinn út árs- og sjálfbærniskýrslu samkvæmt Corporate Sustainability Reporting Directive (CSRD) löggjöfinni og European Sustainability Reporting Standards (ESRS) mælikvörðunum.
Norðurál er eitt stærsta iðnfyrirtæki landsins og gegnir lykilhlutverki á Vesturlandi sem einn stærsti vinnuveitandi svæðisins. Fyrirtækið hefur um áratugaskeið verið mikilvægur þáttur í atvinnulífi og efnahagsþróun svæðisins og skapar verðmæti með fjölbreyttum hætti, bæði með beinum störfum og víðtækum viðskiptum við íslensk fyrirtæki og þjónustuaðila.
Með framleiðslu á áli úr endurnýjanlegri íslenskri orku er Norðurál jafnframt mikilvægur þátttakandi í alþjóðlegri virðiskeðju fyrir hráefni sem hefur jákvæð áhrif á þróun sjálfbærari samfélaga. Starfsemi fyrirtækisins byggir á þeirri sýn að skapa langtíma verðmæti á ábyrgan hátt fyrir starfsfólk, viðskiptavini, eigendur, nærsamfélag og aðra hagaðila.
Sjálfbærni er samþætt öllum þáttum starfsseminnar og byggir á þeirri sýn að skapa langtíma verðmæti fyrir eigendur, starfsfólk, viðskiptavini, birgja og nærsamfélag. Markmið Norðuráls er að reka starfsemi sína á ábyrgan hátt, stuðla að jákvæðum samfélagsáhrifum og lágmarka neikvæð áhrif á umhverfi og auðlindir.
Virðing fyrir mannréttindum, öryggi starfsfólks, góðir stjórnarhættir og vernd umhverfisins eru leiðarljós í allri starfsemi fyrirtækisins. Norðurál vinnur markvisst að því að draga úr umhverfisáhrifum framleiðslunnar, stuðla að ábyrgri nýtingu orku og hráefna og efla hringrásarhugsun og auðlindanýtingu í virðiskeðjunni.
Með skýrum markmiðum, öflugri áhættustýringu og stöðugum umbótum leitast Norðurál við að styrkja samkeppnishæfni sína og stuðla að sjálfbærri þróun samfélagsins til framtíðar.
Norðurál
Norðurál Grundartangi ehf. rekur álver á Grundartanga og framleiðir ál og álblöndur fyrir alþjóðamarkað. Fyrirtækið hefur starfsleyfi fyrir framleiðslu á allt að 350 þúsund tonnum af áli á hverju ári. Starfsstöðvar eru á Grundartanga og í Skógarhlíð í Reykjavík.
Almenn upplýsingagjöf
Norðurál ehf., dótturfélag Century Aluminum Company, rekur álver á Grundartanga þar sem framleitt er ál með lágu kolefnisspori. Framleiðslan nýtir að fullu endurnýjanlega raforku úr vatnsafli og jarðvarma, og afurðir fyrirtækisins eru seldar á alþjóðlegum mörkuðum, meðal annars til bílaframleiðslu, byggingariðnaðar og raforkugeirans. Viðskiptamódel Norðuráls byggir á skilvirkri og kolefnissnauðri álframleiðslu og er sjálfbærni í auknum mæli samþætt í stefnumörkun félagsins.
Efnahagur
Norðurál er eitt af 10 stærstu fyrirtækjum landssins hvort sem horft er til efnahagsreiknings eða afkomu. Norðurál er leiðandi fyrirtæki á sínu sviði og tekur virkan þátt í uppbyggingu íslensks samfélags.
Umhverfi
Norðurál leggur áherslu á að starfsemi fyrirtækisins sé í sátt við umhverfið. Stöðugt er unnið að lágmörkun umhverfisáhrifa og ábyrgri nýtingu orku og hráefna. Norðurál stuðlar að aukinni umhverfisvitund og þátttöku starfsfólks í umbótum. Norðurál uppfyllir kröfur sem settar eru fram í starfsleyfi, lögum og reglum um umhverfismál.
Fólk og samfélag
Hjá Norðuráli starfar fjölbreyttur hópur fólks. Fjölbreytni styrkir starfsemina og hjálpar okkur að ná framúrskarandi árangri. Við leggjum áherslu á jafnan rétt starfsfólks til starfsframa, launa og réttinda og högum starfsemi okkar og viðskiptum með virðingu fyrir mannréttindum að leiðarljósi. Lögð er áhersla á faglega mannauðsstjórnun þar sem hlutverk, sýn og gildi félagsins eru höfð að leiðarljósi.
Stjórnarhættir
Norðurál starfar með hliðsjón af góðum stjórnarháttum með gagnsæi og ábyrgð að leiðarljósi. Norðurál hefur komið á fót skýrum stjórnarháttum í siðferði og ábyrgum viðskiptasamböndum, byggt á stefnu móðurfélagsins og reglulegri innleiðingu á ferlum á Íslandi. Markvisst er unnið að því að betrumbæta sjálfbærnimælingar og áhættumat á sjálfbærniþáttum í samræmi við væntingar hagaðila og ESRS staðla.