Steypuferli

 

Í hverju keri eru framleidd tæplega 1,4 tonn af áli á dag. Ál er tekið úr kerunum á hverjum degi og 960°C heitur málmurinn er fluttur í 8 tonna deiglum í steypuskálann. Þar er málminum safnað í steypuofna sem hver tekur um 60 tonn. Þegar málmurinn hefur náð kjörhitastigi fyrir steypu (720°C) er ofninum lyft og málmurinn rennur í steypumót og er steyptur í 22 kg hleifa. Hleifarnir eru síðan bundnir í stæður sem vega um 1 tonn og fluttir út í gámum. 

 

Andhverfa jarðar

Ál tekur á sig ýmsar myndir. Það eru ekki bara nytjahlutir, heldur líka listaverk af öllum stærðum og gerðum. Flest höfum við gengið fram hjá álmönnunum hennar Steinunnar Þórarinsdóttur listamanns í Flugstöð Leifs Eiríkssonar, eða jafnvel gengið inn í listaverkið sjálft og upplifað okkur sem miðpunkt þess.

Sum okkar hafa líka séð álveru Steinunnar í Vík í Mýrdal sem tyllir sér á tá og ber við himin á stalli sínum. Áferðin gerir það að verkum að á björtum degi rennur listaverkið inn í heildina. Fær hlutdeild í heiminum. Eilífðinni.