Skautsmiðja

 

Í hverju keri eru 20 skaut sem skipt er um á 28 daga fresti. Hvert nýtt skaut er um 1200 kg en eyðist smám saman og að notkun lokinni eru eftir um 250 kg. af skautleifum. Skautleifarnar eru fluttar í skautsmiðjuna þar sem þær eru hreinsaðar, brotnar af skautgafflinum, muldar og sendar utan þar sem þær eru endurunnar sem hráefni í ný skaut. Síðan er nýtt skaut fest á skautgaffalinn og hefst þá ferlið á ný. 

 

85% áldósa endurunnar

Mikill orkusparnaður fylgir endurvinnslu á áli, allt að 95% miðað við frumframleiðslu. Endurunna álið er t.d. notað við framleiðslu nýrra bíla, í vélarhluta, í klæðningar á byggingum og í reiðhjól. Í Evrópu kemur um helmingur áls, sem notað er í drykkjardósir, úr endurunnu áli. Þar er eftirspurnin gríðarleg enda eru 7 af hverjum 10 drykkjarílátum úr áli.

Lítið bar á endurvinnslu áls þar til seint á sjöunda áratugi síðustu aldar. Nú er svo komið að Norðurlandabúar skila 85% áldósa í endurvinnslu.