Saga Norðuráls

 

Norðurál er í eigu Century Aluminum sem er með höfuðstöðvar í Chicago í Illinois í Bandaríkjunum. Century Aluminum á fjögur önnur álver í Bandaríkjunum.

 

Century Aluminum festi kaup á Norðuráli í apríl 2004 en áður var fyrirtækið dótturfyrirtæki Columbia Ventures Corporation (CVC) sem er með höfuðstöðvar í Vancouver, Washington í Bandaríkjunum og er í eigu Kenneth D. Peterson Jr.

 

Árið 1995 ákvað CVC að reisa nýtt álver. Eftir að ýmsir möguleikar höfðu verið athugaðir var ákveðið að álverið yrði reist utan Bandaríkjanna. Í ágúst 1996 varð ljóst að Ísland væri besti kosturinn og var fyrsta skóflustungan að Norðuráli á Grundartanga tekin í apríl árið 1997. Aðeins 14 mánuðum síðar eða í júní 1998 var fyrsta kerið gangsett.

 

Framleiðslugeta Norðuráls var í fyrsta áfanga 60.000 tonn á ári og sumarið 2001 var hún aukin í 90.000 tonn á ári með gangsetningu annars áfanga.  Á árinu 2006 var framleiðslugetan aukin í 220 þúsund tonn og í 260 þúsund tonn árið 2007. Nú eru um 313.000 tonn af áli framleidd á Grundartanga. 

 

Norðurál er eitt stærsta iðnfyrirtæki á Íslandi og er stofnkostnaður þess um 900 milljónir Bandaríkjadala og brúttóársvelta um 500 milljónir dollara. Með Norðuráli breyta Íslendingar hluta þeirrar miklu orku sem landið okkar býr yfir í útflutningsverðmæti og ýta undir vistvæna orkunotkun.

 

Grunnur að fjölbreytni

Norðurál hefur skapað trausta atvinnu og átt verðugan þátt í að efla búsetu í nærliggjandi í sveitarfélögum. Hundruð heimamanna hafa fengið fjölbreytt og góð langtímastörf og búseta eflst í nærliggjandi sveitarfélögum. Þá hafa þjónustugreinar blómstrað og sem dæmi má nefna að um eitt hundrað fyrirtæki þjónusta að jafnaði rekstur Norðuráls á Grundartanga og annast þar ýmsar framkvæmdir. Jafnframt hefur fyrirtækið stutt við íþrótta- og menningarlíf í heimahéruðum.

Fjölbreytt flóra fyrirtækja í nágrannabyggðum þjónustar Norðurál á Grundartanga, svo sem vél- og blikksmiður, rafverktakar, pípulagningafyrirtæki, bifreiðaverkstæði, vélaleigur, jarðvinnuverktakar, hugbúnaðarfyrirtæki, trésmiðjur, hreingerningaþjónustur, saumastofur, rútufyrirtæki, hótel og veitingahús. Sami háttur verður hafður á aðkeyptri þjónustu í hjá Norðuráli Helguvík.