Á dögunum barst fyrirspurn frá Foreldrafélagi Brekkubæjarskóla á Akranesi þess efnis hvort Norðurál gæti hugsað sér að styrkja krakka í 7. bekk sem voru að leita ráða til að komast í námsferð án mikils tilkostnaðar. Það varð að samkomulagi að krakkarnir mundu tína rusl á opnum svæðum í bænum s.s. við dvalarheimili aldraðra og sambýli auk fleiri staða. Þessir duglegu og framtakssömu krakkar skrifuðu síðan skýrslu um þetta verkefni sem lesa má hér
Búið er að setja á vefinn myndband af fjölskylduhátíðinni sem haldin var 12. Júní síðasliðinn. Myndbandið er klippt á lagið Ligga ligga lá sem er á nýútkominni plötu Gunna og Felix. En þeir voru einmitt kynnar á hátíðinni okkar. Færum við þeim bestu þakkir fyrir að fá að nota lagið á þessi myndbrot. Myndbandið má skoða með því að smella hér.
Laugardaginn 12. júní síðastliðinn var fjölskylduhátíð Norðuráls haldin á Grundartanga. Þar var boðið upp á skemmtun og veitingar við allra hæfi. Samkvæmt talningu í hliði voru gestir ríflega 900, þar af 355 börn. Þrátt fyrir að veðrið hefði getað verið betra var sannarlega sól í Hvalfirði þennan dag. Eins og sést á brosum gesta í myndasyrpunni hér
Norðurál hefur undirritað samstarfssamning um nýsköpunarverkefni á Akranesi.
Um er að ræða stafræna „Fab Lab" (Fabrication Laboratory) smiðju sem gefur ungum sem öldnumtækifæri til að þjálfa sköpunargáfuna, móta hugmyndir sínar og hrinda þeim í framkvæmd. Smiðjan er ætluð frumkvöðlum, nemendum, almenningi, fyrirtækjum og stofnunum en verkefnið miðar að því að skapa möguleika á aukinni fjölbreytni í atvinnulífi á Vesturlandi.
Norðurál hefur gert samstarfssamning við Berent Karl Hafsteinsson um miðlun forvarnaefnis til barna– og unglinga í grunnskólum í nágrenni við athafnasvæði Norðuráls.
Meginmarkmiðið er að stuðla að aukinni meðvitund um öryggisþætti og almenna umferðarfræðslu meðal nemenda og í því samhengi miðlar Berent af eigin reynslu.
Fyrirhugaðar orkuframkvæmdir á suðvesturlandi geta gefið allt að 1.500 MW af orku sem er nærri þrefalt meira en þarf fyrir álver í Helguvík.