Norðurál

Árið 2012 framleiddum við yfir 280.000 tonn af áli á Grundartanga. Verðmæti þess er ríflega 610 milljónir bandaríkjadala, eða um 76 milljarðar króna. Til framleiðslunnar notuðum við um 4.300 GWst, eða tæpan fjórðung alls rafmagns sem unnið er á Íslandi. Orkuna kaupum við af fyrirtækjum í eigu almennings, Orkuveitu Reykjavíkur, Landsvirkjun og HS Orku.

Í álverinu sjálfu starfa að jafnaði um 600 manns og um 1.000 manns til viðbótar hafa atvinnu af þjónustu sem tengist starfsemi okkar með beinum hætti – flutningum, framkvæmdum, tækniþjónustu, birgðaöflun og fleiru. Norðurál er langstærsti atvinnurekandi á Vesturlandi og reyndasta starfsfólkið hefur verið með okkur allt frá upphafi, í 15 ár.

Ál úr grænni, íslenskri orku er notað um allan heim, til dæmis til að létta bíla, klæða hús og pakka inn nesti, smíða tölvur, snjallsíma, húsmuni og veggi.