Viltu vera í öflugu liði Norðuráls?

Norðurál er eftirsóttur vinnustaður. Starfsmenn eru á fimmta hundrað talsins, verkefnin margvísleg og störfin fjölþætt. Hjá fyrirtækinu starfa m.a. verkfræðingar, tæknifræðingar, viðskiptafræðingar, sálfræðingar, efnafræðingar, eðlisfræðingar, líffræðingar, tölvunarfræðingar, rafeindavirkjar, rafvirkjar, vélvirkjar, vélstjórar & rafsuðumenn, auk ófaglærðra starfsmanna sem öðlast dýrmæta sérhæfingu við störf sín og nám hjá fyrirtækinu.

Ráðningarferli

Ráðningarferli Norðuráls felst í því að umsóknir eru metnar og hæfum umsækjendum er boðið í viðtal. Síðan leitum við umsagna hjá a.m.k. tveimur umsagnaraðilum sem umsækjandi gefur upp. Þar sem Norðurál er vímuefnalaus vinnustaður er þess jafnframt krafist að allir starfsmenn sem Norðurál vill bjóða starf taki lyfjapróf sem framkvæmt er af óháðum heilbrigðisstarfsmanni. Um er að ræða sýni sem tekið er tekið með munnstroki. Umsækjandi er einn upplýstur um niðurstöður prófsins og hann tekur ákvörðun um hvort senda eigi Norðuráli niðurstöðu lyfjaprófsins til að ráðningarferlið geti haldið áfram. Sýninu sjálfu og öllum gögnum vegna lyfjaprófsins er eytt í samræmi við reglur Persónuverndar. Umsóknum um auglýst störf er svarað sérstaklega þegar ráðningu í starfið er lokið.